Ikkje ein sumar utan.. I neste veke er det tid for aktive dagar på Skogsvåg stadion. 30 born og unge skal gjennom eit variert program med hekk, tresteg, tennis, turn og fotball. Meir info om dagane kan du lese her: https://www.deltager.no/register/idrettsdagar#/

Foto: Hermine Sangolt (J8) i fint svev i lengdegropa. 

Juni er ein travel månad for born og vaksne, men 9 stk frå Skogsvåg IL fann tid til å delta på Framolekene i tida før skuleslutt. 

Framolekene er eit stort årleg friidrettsstevne på Fana stadion. I år vart det arrangert samtidig som det internasjonale stevnet Trond Mohn Games, dette var ein god kombinasjon der dei yngre utøvarane fekk høve til å sjå verdseliten i aksjon. Friidrettsmiljøet er såpass lite at det vart også tid til å helse på Narve Gilje Nordås, Marcus Thomsen og Eivind Henriksen. Skogsvåg IL takkar for flott stevne og gode opplevingar. 

Foto: Erika C. Sangolt fortset utviklinga i kuleringen. Vann J11 med eit støt på 7,87m. Fine prestasjonar også i lengde (3,44m) og 60 m (10,91).

Foto: Yngre  utøvarar (Sølve Høyland, Alfred Sangolt og Sondre Høyland) frå Skogsvåg helsar på Narve Gilje Nordås, Jærbuen som er ein av få menn i verden som har sprunge under 3:30 på 1500 meter. 

Foto: Lycke Alvsaker Erichsen (J8) var med på sitt fyrste stevne - det gav meirsmak. 

Fin framgong blant dei eldste

Av våre eldste utøvere som ikkje er avbilda over må vi nevne ein del prestasjoner:

* Kine Louise Gregersen (J11) sprang 40m på 6,93 sek. Det er fyrste gong under 7 sek. Hoppa også 3,78m i lengde og 9,89m på 60m.  Alle tre prestasjonar vart belønna med bronsemedaljer.

* Allsidige Vilde Gregersen (J13) vann kulestøtkonkurransen med eit støt på 7,40 m. Ho passerte 4 meter med god margin i lengdekonkurransen (4,09m), og hadde fine løp i motvinden. 100m på 15,02 og 60m på 9,39. 

Velkomen på friidrett

Friidretten held koken med trening i enkelte veker gjennom sumaren, startar opp for fullt att i august. Alle er velkomen. Les meir her: https://skogsvaag-il.idrettenonline.no/p/61970/informasjon

Foto: Høge og lange svev i sandgropa på Fana stadion. 

Friidrettsgruppa til Skogsvåg IL har trena jamnt og trutt mest kvar einaste laurdag i heile 2022. Nokon av borna trenar utelukkande friidrett medan andre deltek på friidrett i tillegg til fotball eller anna sport.  I vinterhalvåret deltek utøvarane på innendørsstemner, medan det blir tid til 2-4 stemner i utandørssesongen som strekk seg mellom april og oktober. Denne hausten vart innleia med Gneistspelen på Fana stadion. Dette er eit nasjonalt friidrettstemne som har vore arrangert i over 50 år. 

Gledeleg å notere at samtlige utøvere har oppnådd personleg bestenotering i ei eller fleire øvingar i løpet av helga. Flott å oppleve at trening gjer utslag, og at det blir framgang samanlikna med vinteren og vårens prestasjonar. 

I aldersgruppa 6-9 år er det meistring og leik som er i hovudsete, og det er ikkje rangerte lister. For eldre utøvere teller plassering og det knivast meir om sluttresultat. 

Her er bileter og høgdepunkt frå helga: 

Fredag: 300m hinder for rekrutter (6-9 år). Alfred Sangolt og Sølve Høyland deltok. Vanngrava var høgdepunktet. Hinder gav meirsmak. Seinare i helga vart det lengde, liten ball og 60m.

Mathilde Asphaug og Thea Asphaug er vanlegvis aktive fotballspelarar, men har snørt på seg piggskoa og deltok i 100m, 200m og spyd i J17-klassen. 100m på lavt 15-tall. 14-grensa brytes truleg ved neste anledning. Helga endte med hyppige turar på toppen av premiepallen. 

Oscar Fjell Hagen er rekrutt og deltok i 60m, liten ball og lengde. Bestenoteringar i 2 av 3 øvingar (?)

Kine Louise Gregersen og Erika Cassandra Sangolt i J10-klassen. Store forbetringar frå vårens stemner på begge to. 

Hermine Sangolt er J7-rekrutt og har aldri sprinta så raskt eller hoppa så langt som ho gjorde denne helga. 

Hermine i kastar liten ball, kyndig og god veiledning frå erfarent funksjonærkorps i Gneist.

Sondre Høyland er 1.klassing og debuterte i stemne denne helga. Det gav meirsmak. 

Vilde Gregersen i J12 var reinaste mangekjemperen denne helga. Personleg bestenotering i alt ho stilte opp i og fleire fyrsteplassar.  Deltok i både 60m (4. plass, 9.34 PB), lengde (4. plass 3.69 PB), 600m (1 plass 2:07 PB), kule (1 plass 6.91m PB). Her er ho avbilda rett etter målgang i 600m. Sterk oppløpsside og fyrsteplass med nokre hundredelars margin. 

Flott stemne og fine fasilitetar på Fana stadion. 

Alle resultat frå Gneistspelen finn du her: https://norway.opentrack.run/en-gb/x/2022/NOR/gneistspelen/

Ynskjer du å byrje på friidrett i Skogsvåg, alle er velkomen, les meir her; https://skogsvaag-il.idrettenonline.no/p/61970/informasjon 

Friidrett er godt supplement til andre idrettar. Bli gjerne med på hurtighetstrenings-dag laurdag 27. august. Info på Facebook: https://www.facebook.com/events/853124362722771?ref=newsfeed

 Foto: Hermine og Emilie passerer hekken i god stil.

I den fyrste veka i juli har 50 born hatt Skogsvåg stadion som sin tumleplass. Spekkhoggarsumar er ei årleg friidrett- og allidrettsveke der born får prøve seg på ulike aktivitetar. 

Lokale idrettsungdommar står for aktiviteten

Borna blir inndelt i mindre grupper og får prøve seg på 4-5 ulike aktivitetar kvar dag. Dei lokale idrettsungdommane Mathilde Asphaug, Thea Asphaug, Leo Kausland, Martine Samland, Jennie Dalseide og Simon Øvretveit har leia aktivitetane med stødig og hjelpande hand. I tillegg til lokale krefter bidrog Fride Vågen frå friidrettskrinsen med lengde- og trestegsinstruksjonar.

Kateryna frå Ukraina viste korleis spydet skulle kastast

Frå friidrettskrinsen kom også leiar Peer Jarnung og nestleiar Anne-Kristine Aas på besøk. Dei viste stor begeistring for all aktiviteten på stadion. Den forferdelege invasjonen av Ukraina har ført til at ein skulert kasttrenar har hamna i vår region. Kateryna Retiva viste borna kast med liten ball og tok også fram spydet. Utan oppvarming og med eit svært avgrensa tilløp gjekk det til midtsirkelen av fotballbanen. 

Variert veke 

I løpet av veka har borna vore innom desse øvingane: 

• Frisbee

• Venneball 

• Hopp og sprett

• Sirkeltrening 

• Hinderløype/Tarzanløype 

• Tresteg

• Høgde

• Kast liten ball

• Kulestøt 

• Diskos

• Spyd

• Hekk

• Stafett

• 40 m sprint 

• Bandy
• Handball
• Dodgeball
• Basketball
• Tennis

Sumaraktivitetar i Øygarden

Veka er støtta økonomisk av Øygarden kommune. Dette gjer at naudsynt utstyr blir kjøpt inn, lokale ungdommar får dette som sumarjobb og at påmeldingsavgifta er beskjeden (200 kr per born for 5 dagar med friidrett).

Foto frå veka

Foto: Klar for sprint med startblokker.

Foto: Kast med liten ball. Instruktør Leo følger nøye med på Oscar sitt kast.

Vil du prøva friidrett?

Friidrettsgruppa til Skogsvåg trenar kvar laurdag, også i sumar. Les meir her: https://skogsvaag-il.idrettenonline.no/p/61970/informasjon

Takk for ei fin veke.

Kenneth Sangolt, Johnny Asphaug, Kristina Førde

Skogsvåg friidrett

Skogsvåg IL startar opp igjen med friidrettstrening! 

Treningane er for barn i alderen 6–10 år, og vil føregå lørdagar frå kl. 11–12. Oppstart 19. september. 

Trenarar er Kenneth Sangolt og Kristina Førde. 

Send påmelding på SMS til 930 94 758 (navn og alder). 

Velkomen!