Årsmøtet: Lågast i landet? Fortsatt kr 500 i medlemspengar

Årsmøtet 2025 vedtok sundag 30. mars å halde medlemspengane på same nivå som før - kr 500. Då ingen av særgruppene har treningsavgifter, betyr dette at borna og utøvarane i Skogsvåg IL kan trene og konkurrere til Vestlandets, og truleg også landets lågaste sum. 

Mørklagt stadion vinteren 2025? Store løft ventar

Årsmøtet brukte ein del tid på anleggssituasjonen som er kritisk. Eit nesten 25 år gamalt kunstgras, og eit ljosanlegg som gjer det vanskeleg å ha aktivitet i vinterhalvåret. Alt av oppspart eigenkapital må inn i oppgraderingsarbeid. Her trengs det også bidrag frå lokalsamfunnet og det offentlege inkludert Norsk Tipping og Øygarden kommune. 

Medlemstal i sterk vekst

Betalande medlemmar er no nesten 300. Det er det høgaste på 10-15 år. 

Det blir ekstraordinært årsmøte i vår for å velja nytt styre

3 av dagens styremedlemmar ynskjer å gje seg etter mange år med styrearbeid bak seg. Det blir eit ekstraordinært årsmøte for å velja nytt styre. Eksisterande styre vart vald inn og fortset inntil nytt årsmøte. Årsmøtet valde ein ny valkomite som tek fatt på dette arbeidet. Valkomiteen er leia av Kenneth Sangolt som også skriv denne artikkelen. Arbeidet er i gang for å finna kandidatar til styreverva. Vi leitar etter kandidatar som vil fortsetja det gode arbeidet dagens styre gjer opp mot offentlege mynde og bankar for forbetra anleggs-situasjonen, samtidig som laget fortsetjar å fremja vekst i aktivitet på inkluderande vilkår. 

Styrekandidatar?

Ynskjer du å bidra i styrearbeid, eller tipsa om kandidatar? Kontakt Kenneth Sangolt på tlf 414 76 319 / e-post kenneth.sangolt@gmail.com eller sosiale medium.